Qeveria e Kosovës ka shfuqizuar vendimin që kishte marrë Qeveria “Haradinaj” në fund të vitit 2017 për rritjen e pagave për vete.
Kjo është pika e parë e paraparë në rendin e ditës për mbledhjen e dytë të Qeverisë Kurti që ka nisur pak minuta më pare, raporton JOQ Kosova.
Në vendimin e 20 dhjetorit 2017, Qeveria e kaluar kishte vendosur për rritje të pagave për 100 për qind. Kryeministrit Haradinaj nga 1500 euro paga i ishte bërë 2950 euro.
Ndër të tjera në këtë mbledhje është marrë vendim edhe për shfuqizimin e koordinatorëve nacionalë, të cilët ishin emëruar për çështje të ndryshme gjatë Qeverisë së Ramush Haradinajt.
