Petullat, një vakt ideal për mëngjes, jo gjithmonë mund të përgatiten në mënyrën më të mirë të mundshme. Problemi mund të jetë tek mielli, gatimi në temperaturë të lartë apo gatimi me gjalpë ose vaj të një cilësie të ulët.
Gjalpi përmban shumë yndyrë, ndaj nuk është shumë e rekomandueshme skuqja e petullave me të. Ju mund të keni menduar shpesh për një produkt tjetër me të cilin ta zëvendësoni atë, por në fakt nuk keni gjetur akoma asnjë zgjidhje për këtë.
Sigurisht, që nuk do të donit petulla të cilat janë të mbytura nga yndyra, ndaj po ju njohim me një përbërës sekret që ju ndihmon të bëni petulla të përsosura në çdo kohë.
Ky përbërës i përdorur tashmë së fundmi në gatim, është vaji i kokosit. Nëse keni përgatitur brumin për petulla, ju duhet të hidhni në tigan 2 lugë gjelle vaj kokosi për pjekjen e çdo petulle.
Mund të përdorni edhe më pak, nëse dëshironi, por 2 lugë gjelle janë mjaftueshëm sepse petullat qëndrojnë më të buta. Ai shton gjithashtu një ëmbëlsi të zbehtë, por të këndshme në petulla.
Aplikojeni këtë parim në kuzhinë sa herë të vendosni të përgatisni petulla.
