Finiq/ Shqiptarët fshijnë tabelat në gjuhën greke të mbivendosur mbi atë shqipe

Posted on January 8, 2020

Pak muaj më parë, në media u denoncua një skandal i paprecedentë, ku në tabelat orientuese të disa fshatrave të Bashkisë së Finiqit, shqipja ishte gjuhë e dytë pas greqishtes.

Këto tabela shkaktuan zemëratë dhe indinjatë në mbarë opinion publik shqiptar, pasi një gjë e tillë ishte e përsëritur për të disatën herë.

Ndonëse një gjë e tillë shkaktoi reagime të ashpra në opinion, Bashkia e Finiqit, e autorizuar nga ARRSH, i vendosi sërish tabelat me modelin; greqishtja gjuhë e parë dhe shqipja e nënrenditur pas saj.

Ditën e martë, Bashkia e Finiqit, e drejtuar nga Kristaq Kiço i partisë së minoritetit grek, MEGA, ka bërë në një deklaratë të paprecedentë, ku sulmon gazetarin e mirënjohur dhe patriot, Marin Mema, duke e akuzuar për “aktet e shkatërrimit të tabelave dygjuhëshe në zonë” dhe si person që bën “propagandë konflikt-nxitëse”.

Ky reagim i Bashkisë Finiq vjen pasi disa shqiptarë kanë hequr tabelat në gjuhen greke të mbivendosur mbi atë shqipe.

Nëse do të ndjekim linjën e argumenteve të parashtruara në deklaratën e mëposhtme, kryebashkiaku Kiço duhet të dijë se minoriteti shqiptar në Greqi nuk respektohet dhe gëzon shumë pak të drejta, krahasuar me ato që gëzon minoriteti grek në Shqipëri.

Kiço, i cili edhe betimin si kryetar bashkie i Finiqit e bëri në gjuhën greke, po tenton tashmë t’i hakërrehet gazetarit Mema, duke krijuar vetë një propagandë konflikt-nxitëse.

Vlen të theksohet se, familjet e emigrantëve shqiptarë në Greqi, nuk janë të përfshirë në shkollat interkulturale, ndërsa e kundërta ndodh me fëmijët e minoritetit grek në Shqipëri, të cilët janë të përfaqësuar kudo.

Nëse greqishtja është mbizotëruesja e tabelave nga kalon çdo shqiptar apo minoritar grek, dhe i huaj për të shkuar në Sarandë, Delvinë e Konispol, i bie që të kemi ngatërruar me dashje konceptin e vetëqeverisjes vendore me atë konceptin e vetëqeverisjes mbi baza etnike.

Lidhur me deklaratën e pazakontë të Bashkisë Finiq, kanë qenë të shumtë shqiptarët që kanë reaguar, duke komentuar në postim, ku më pikanti është komenti i një prej tyre.

Me anë të një komenti epik, një shqiptar i ka treguar vendin Bashkisë së kryetarit grek.

Ai shkruan:

Te merrni briskun dhe ti beni sherbimin e berbehanes Marinit. Sido te reagoni ju, faktet jane kokeforta dhe historia eshte histori. Shume shpejt vjen dita qe do qerohen hesapet dhe tradhetaret do marrin denimin e merituar per tradheti. Prisni pra dhe pak.
Deklarata e Bashkisë Finiq:

BASHKIA E FINIQIT DENONCON PUBLIKISHT PROPAGANDËN KONFLIKTËNXITËSE TË GAZETARIT MARIN MEMA DHE AKTET E SHKATËRRIMIT TË TABELAVE DYGJUHËSHE NË ZONË

Ditët e fundit në territorin e Bashkisë Finiq janë shuar nga persona të paidentifikuar të gjitha emërtimet në gjuhën greke në tabelat e vendosura sërish nga Drejtoria e Transporteve në kuadër të zbatimit të ligjit nr 96/2017 “Për mbrojtjen e pakicave kombëtare në Republikën e Shqipërisë”.
Ky sulm i përsëritur vjen menjëherë pas transmetimit në TV Top Chanel i emisionit të gazetarit skandalkrijues Marin Mema, i cili vazhdimisht kushton kohë dhe mjete për të nxitur përçarje dhe konflikte midis popullit shqiptar dhe popullit të Minoritetit Etnik Grek në Shqipëri.
Nuk është e para herë që nëpërmjet propagandës miediatike janë nxitur grupe të caktuara ekstremistësh kundër banorëve të fshatrave të minoritetit etnik duke vjedhur, plaçkitur shtëpitë apo duke shkatëruar simbolet etnike, fetare dhe monumentet e heronjve, por deri më sot nuk është kapur nga policia e rendit dhe nuk është vënë asnjeri në përgjegjësi nga ana e drejtësisë, duke lënë kështu nën terror dhe të pambrojtur këta banorë.
Autorët e nxitjes janë të vetëidendifikuar në mediat sociale apo dhe në ato kombëtare dhe autorët e veprës së shkatërimit dhe të kërcënimit mund të kapen në veprim e sipër. Por deri më sot mbizotëron apatia e organeve kompetente për të vepruar.
Bashkia e Finiqit e angazhuar fuqimisht në misionin e saj trajton me korrektësi çdo problem të banorëve të saj pa dallim etnik,fetar apo social dhe mbi të gjitha interesohet për sigurinë e jetës dhe të pronës së tyre por edhe të të drejtave që rrjedhin nga Kushtetuta dhe ligjet përkatëse.Banorët dhe fshatrat me kombësi shqiptare kanë pjesën e tyre respektuese në administratën e bashkisë, përfitojnë investime dhe ndihmë ekonomike siç përfitojnë edhe banorët dhe fshatrat e tjerë të bashkisë.Në axhentën e një gazetari serioz do ishte më mirë të renditej e para tematika e mungesës së investimeve të munguara nga shteti gjatë këtyre tre dekadave të fundit në gjithë shtrirjen e kësaj bashkie, të paraqitej realiteti i hidhur ku të 58 fshatrat janë me infrastrukturë të abandonuar, me rrjet elektrik të vjetërruar që gjatë dimrit pothuajse nuk funksionon, me papunësi të theksuar që detyron banorët të marrin rrugën e mërgimit.
Referenca të tilla për padrejtësi në kurriz të shqiptarëve banorë të Bashkisë Finiq, janë të pavërteta dhe të inskenuara me qëllime të mbrapshta për të minuar marrëdhëniet midis dy popujve dhe për të justifikuar mosrespektimin e të drejtave të pasqyruara tashmë edhe në ligjin e veçantë për Pakicat Kombëtare.
Denoncojmë publikisht propagandën e paprecedentë të gazetarit Marin Mema kundër bashkisë Finiq dhe:
i kërkojmë organeve të drejtësisë të ushtrojnë kompetencat e tyre në zbatim të dispozitave të Kushtetutës dhe ligjeve përkatëse,
i kërkojmë organeve të mbrojtjes së rendit të zbulojnë dhe ndalojnë autorët e veprës së shkatërrimit të pronës publike dhe të injorimit të të drejtave të saknsionuara me ligj
i kërkojmë qeverisë të përshpejtojë procesin e miratimit të akteve nënligjore dhe të intensifikojë propagandën pozitive për të drejtat e Pakicave Kombëtare të cilat janë pjesë integrale e legjislacionit vendas dhe një kusht i domosdoshëm për hyrjen në familjen europiane.

Zyra e shtypit e Bashkise Finiq

Gazeta Korrekte

Finiq/ Shqiptarët fshijnë tabelat në gjuhën greke të mbivendosur mbi atë shqipe

288 Comments

Leave a Reply

MË TË LEXUARAT

Kjo quhet sallata më e mirë në botë. E doni recetën?

Studimi i shkencëtarëve: Koronavirusi do vr asë 15 milionë deri në 68 milionë persona, dy shtetet më të rre zikuara

“M’u mbush zemra me shpresë”, gruaja nga Tirana rrëfen gjestin emocionues që i riu bëri ndaj burrit në nevojë

Ervin Mata ndahet nga Elvana Gjata dhe lidhet me Beatrix Ramosajn?

Po dëgjonte muzikë me kufje teksa po karikonte telefonin, i riu shu het tra gjikisht

Koronavirusi, shqiptari publikon videon nga Italia: Supermarketet janë boshatisur, njerëzit të izoluar nga frika

Peshonte 135 kg, komenti mi zor i koleges i ndryshoi jetën nënës së dy fëmijëve

Mblidhen tri komisione parlamentare

Gjendet ne kuzhinen e secilit prej jush : Ereza e cila parandalon sem/undje pafund

Arbana Osmani kapet në rrugët e Tiranës, me pamje komplet ndryshe nga ajo që shohim në tv

Konfirmohet shqiptari i parë i prekur me koronavirus

A mund ta gjeni në këtë foto Ramush Haradinajn

Shqiptarët popull me imunitet ndaj koronavisusit? Teza e pabesueshme e mjekeve qe po cudit te gjithe

Studimi i shkencëtarëve: Koronavirusi do vr asë 15 milionë deri në 68 milionë persona, dy shtetet më të rre zikuara

E pabesueshme! Bankomati nuk nxirrte para, sho kohen nga ajo çfarë gjejnë brenda