Prej disa vitesh largimi në masë i shqiptarëve është kthyer në një problem shqetësues. Më shqetësuese në gjithë këtë fenomen negativ është se po largohen në masë të rinjtë.
Shqipëria kështu rrezikon të mbetet pa krah punë. Së fundmi disa të dhëna të puplikuara janë akoma dhe më alarmante.
Këto të dhëna tregojnë se në qytete si Vlora dhe Gjirokstra është larguar gati mbi 50 % e popullsisë. Në një analize të INSTAT, reduktimi i popullsisë ka ardhur për arsye të emigracionit dhe migrimit të brendshëm.
Por Vlora dhe Gjirokastra kanë pësuar reduktim të popullsisë së regjistruar më shumë për shkak të emigracionit.
Faktorët kryesorë që i detyrojnë shqiptarët të largohen janë kostot e larta të jetesës dhe pagat e ulëta. Vendi ku po largohen më shumë shqiptarët është Gjermania.
