Në kushte ekstreme vijojnë të jetojnë tre anëtarët e familjes Mamli në fshatin Zhejë të Kurbinit. Familja përbëhet nga nëna e moshuar dhe dy djemtë e saj, të cilët fatkeqësisht nuk mund të shikojnë.
Ndërkohë, banesa e tyre rre zikon të shembet pas tërmetit të fortë të 26 nëntorit, ku ka dëme të shumta. Vetë ata thonë se askush nuk u ka ardhur për ndihmë dhe shprehin edhe apelin e tyre të fortë për shtetin.
Njëri prej vëllezërve tha:
Kanë ardhur njëherë për verifikim dhe se di çfarë kanë bërë dhe kanë ikur. Na thanë që do vijnë ekspertë nga Tirana. Po rrimë me frikë, të paktën të v d es unë dhe jo të gjithë nëna e vëllai. Unë kërkoj nga shteti që të më gjejë një shtëpi sepse jam në qiell të hapur.
Për shkak të gjendjes së tyre shëndetësore, dy vëllezërit e kanë të pamundur që t’iu drejtohen institucioneve për të kërkuar zgjidhje për problemin që kanë.
