Muaji janar i vitit 2020 ishte më i nxehti i regjistruar ndonjëherë në 141 vjet, njoftuan sot shkencëtarët amerikanë nga Administrata Kombëtare e Oqeanit dhe Atmosferës (NOAA).
NOAA gjithashtu njoftoi se muaji i kaluar shënoi janarin e 44-t radhazi me temperatura mbi mesataren e shekullit XX.
Temperaturat në janar ishin 1,14°C mbi mesataren e shekullit XX.
Mbulimi i akullit të detit Arktik ishte 5,3% nën mesataren e vitit 1981–2010, ndërsa mbulimi i borës në hemisferën veriore ishte gjithashtu nën mesataren.
