Cikaqi: S’ka buxhet për subvencionim më të madh të fermerëve

Posted on May 16, 2019

Ministria e Bujqësisë, Pylltarisë dhe Zhvillimit Rural këtë vit do të mbështesë me 23.5 milionë euro subvencione për fermerët, ku mbështesin 22 nënsektorë të ndryshëm.

Kjo nuk është e gjitha. Kjo ministri mbështet fermerët përmes dy programeve, atë të subvencioneve dhe granteve, por gama e sektorëve që mbështetet është e madhe dhe kjo bënë që shumat e ndara për fermerët, të jenë vetëm 150 euro për ha.

Isuf Cikaqi, drejtor i departamentit të Politikave Bujqësore në MBPZhR, ka thënë për KosovaPress se kultura e grurit si kulturë strategjike mbështetet qysh nga viti 2009, teksa ka bërë të ditur se fermerët subvencionohem me 150 euro për hektarë.

Cikaqi: MBPZhR ka dy programe për fermer

“MBPZhR i ka dy programe mbështetëse për fermer: programin e pagesave direkte – subvencioneve dhe programin e projekteve të zhvillimit rural ose granteve. Kultura e grurit mbështetet përmes pagesave direkte ose subvencioneve, është kultura e parë në vitin 2009 që ka filluar të subvencionohet, pasi që është kulturë strategjike dhe tani aktualisht neve mbështesim me 150 euro për hektarë të gjithë ata fermerë që kultivojnë grurë dhe rrjedhimisht të gjithë ata që i plotësojnë dokumentacionin e nevojshëm dhe kriteret e parapara me program”, thotë ai.

E vlera prej 150 euro për hektarë, Cikaqi thotë se do të dëshironin të ishte më e lartë.

Cikaqi: Do të dëshironim të subvenciononim me vlera më të mëdha, na kufizon buxheti

“Dëshira jonë do të ishte që të subvencionojmë me vlera më të mëdha, por këtë në radhë të parë na e dikton buxheti që ndahet. Ralisht, nuk është buxhet i vogël në krahasim me vitet e mëparshme, gjithsej janë të ndara 47 milionë për grante dhe subvencione, që i bie 50 me 50, mirëpo përmes kësaj sasie të mjeteve, mbështeten 22 nënsektor përmes programit të pagesave direkte”, shprehet ai.

Derisa fermerët vazhdimisht lobojnë për subvencione më të mëdha për ta, Cikaqi thotë se janë munduar që përmes kostos së prodhimit dhe rëndësisë që ka kultura të jepet edhe mbështetja për to.

Teksa është shprehur optimist se vlera e ndihmës së marrë nga fermerët përmes pagesave direkte do të rritet.

Cikaqi: Varësisht prej buxhetit, do të rrisim vlerën e subvencioneve

“Ne jemi munduar që përmes kostos të prodhimit, dhe me rëndësinë që e ka kultura, pastaj të bëhet mbështetja e asaj kulture dhe aktualisht kaq është mundësia që të mbështetet kultura e grurit dhe në përgjithësi drithërat mbështeten me 150 euro për ha. Varësisht prej buxhetit ne do të bëjmë edhe rritjen e tyre. Shpresojmë që nga viti në vit, sikurse ka ndodhur deri më tani, edhe vitin e ardhëm të kemi buxhet më shumë dhe atëherë mundësia për me e rritë këtë mbështetje do të jetë më e madhe”, thotë ai.

Gazeta Korrekte

Cikaqi: S’ka buxhet për subvencionim më të madh të fermerëve

942 Comments

Leave a Reply

MË TË LEXUARAT

Kjo quhet sallata më e mirë në botë. E doni recetën?

Studimi i shkencëtarëve: Koronavirusi do vr asë 15 milionë deri në 68 milionë persona, dy shtetet më të rre zikuara

Po dëgjonte muzikë me kufje teksa po karikonte telefonin, i riu shu het tra gjikisht

Ervin Mata ndahet nga Elvana Gjata dhe lidhet me Beatrix Ramosajn?

Koronavirusi, shqiptari publikon videon nga Italia: Supermarketet janë boshatisur, njerëzit të izoluar nga frika

Peshonte 135 kg, komenti mi zor i koleges i ndryshoi jetën nënës së dy fëmijëve

Mblidhen tri komisione parlamentare

Gjendet ne kuzhinen e secilit prej jush : Ereza e cila parandalon sem/undje pafund

Dhurata me e bukur që një vajzë mund ti bëjë babait të sëmurë (Video)

Arbana Osmani kapet në rrugët e Tiranës, me pamje komplet ndryshe nga ajo që shohim në tv

Konfirmohet shqiptari i parë i prekur me koronavirus

A mund ta gjeni në këtë foto Ramush Haradinajn

Shqiptarët popull me imunitet ndaj koronavisusit? Teza e pabesueshme e mjekeve qe po cudit te gjithe

Studimi i shkencëtarëve: Koronavirusi do vr asë 15 milionë deri në 68 milionë persona, dy shtetet më të rre zikuara

E pabesueshme! Bankomati nuk nxirrte para, sho kohen nga ajo çfarë gjejnë brenda